भारताच्या पराभवाला प्रशिक्षकचं जबाबदार, हरभजनची शास्त्रींवर शेलक्या शब्दात टीका

इंग्लंड दौऱ्यावर असलेल्या टीम इंडियाला कसोटी मालिकेतील पहिल्या दोन सामन्यांमध्ये दारूण पराभवाचा सामना करावा लागला. या पराभवासाठी कोच रवी शास्त्री जबाबदार असून त्याने यावर काहीतरी बोलणं गरजेचं आहे असं म्हणत हरभजन सिंहने शास्त्री यांच्यावर हल्लाबोल केला आहे. रवी शास्त्रींची चुकलेली धोरणंच पराभवाला जबाबदार असल्याचं सांगत हरभजनने पराभावाचं खापर शास्त्री यांच्या डोक्यावर फोडलं आहे.

नेमकं काय म्हटलं आहे हरभजनने ?

‘भारताचा संघ सर्वोत्कृष्ट टुरिंग टीम आहे असा दावा रवी शास्त्रींनी केला होता. एकदिवसीय सामन्यांची मालिका हरल्यानंतर आता कसोटी मालिकाही भारत हरला तर आपला दावा चुकीचा होता.प्रत्येक सामन्यात संघामध्ये बदल केल्याचा खेळावर परिणाम होत आहे आणि त्यामुळे भारत हरतोय. लॉर्ड्स कसोटी सामन्यासाठी दोन स्पिनर्सचा समावेश टीममध्ये करण्यात आला होता.

पण पावसामुळे धावपट्टी ओली होती. तेव्हा आधीचा वेगवान गोलंदाजांचा समावेश असलेलाच संघ घेऊन भारत मैदानात उतरला असता तर निकाल काही वेगळा लागू शकला असता. कुठल्याही सामन्यात ओपनींग पार्टनरशिप अत्यंत महत्त्वाची ठरते. दरवेळी नवीन फलंदाज सामन्याची सुरुवात करत असतील तर त्यांचा जम बसणं कठीण असतं.त्यामुळे बॅटिंग ऑर्डरमध्ये जास्त बदल करण्यात येऊ नयेत’.

error: Content is protected !!